Søkjer animatør til folkemusikkforestilling

27. november 2017 11:10:58

Søkjer animatør til folkemusikkforestilling

Hei!
Vi er to musikarar (Laura Ellestad og Magnus Soltvedt Wiik) som skal lage ei folkemusikkforestilling for barneskuleelevar som skal ha premiere på Riksscenen i Oslo 21. januar 2018. Forestillinga handlar om tre historiske hardingfelespelemenn som utvandra til USA mellom ca. 1870 og 1915. Den blir utvikla med tanke på å bli brukt som tilbod i Den kulturelle skolesekken.

Vi skal bruke projector og lerret under heile forestillinga, m.a. for å vise bilete av spelemennene. Vi ønsker også å flette inn tre korte teiknefilmar som illustrerer ulike delar av historiene om spelemennene. Vi tenkjer at kvar teiknefilm er på ca. 30 sek.

Vi har ikkje tenkt oss ein bestemt animasjonsstil, bortsett frå at målgruppa er barneskuleelevar (1.-7. klasse). Men kanskje gjerne ein stil som reflekterer litt den historiske perioden. Vi tenkjer at animasjonane er utan tekst, og utan lyd. Vi skal legge på lyd live under forestillinga, eller som lydopptak.

Vi har eit ganske lite budsjett til å få laga dette, og kan bruke kr 10.000 på denne jobben.

Ta gjerne kontakt i næraste framtid om du er interessert!

Mvh,
Laura og Magnus
epost: lauraellestad(alfakrøll)gmail.com